Teknikkikkut ajutoorneq: Teknikkikkut ajutoorneq peqqutaalluni, imminut sullississut ”Digitalimik Nuunneq” atorneqarsinnaanngikkallarpoq. Sukkanerpaamik iluarsinissaa sulissutigaarput pisarissersuinerlu ajuusaarutigaarput.

Utoqqalinersiat saniatigut isertitaqarneq

Utoqqalinersiaqarnermi saniatigut sulinikkut isertitaqarsinnaavutit. Taamaattoq utoqqalinersiat ikilisinneqartinnagit imaluunniit tamakkiisumik peerneqartinnagit, ukiumut isertitarisinnaasatit killissarititaasut aalajangersagaqarput.

Utoqqalinersiat ikilisinneqartarput killissarititaasut aalajangersakkat isertitanit qaangerneqaraangata, killissarititaasullu tassaapput (2021):

  • Utoqqalinersialik kisermaaq ukiumut 156.000 koruuninik isertitaqaruni utoqqalinersianut tapit ikilisinneqassapput
  • Aappariit ukiumut katillugit 183.000 koruuninik isertitaqarunik utoqqalinersianut tapit ikilisinneqassapput
  • Utoqqalinersialik ukiumut nammineq 383.666 koruuninik isertitaqaruni tunngaviusumik tunniunneqartartut ikilisinneqassapput

Utoqqalinersiat tamarmik peerneqartarput imaattoqassappat:
  • Utoqqalinersialik ukiumut 383.666 koruuninik isertitaqartillugu kisermaanut utoqqalinersiamut tapit atorunnaassapput
  • Aappariit ukiumut katillugit 384.327 koruuninik isertitaqartillugit aappariinnut utoqqalinersiamut tapit atorunnaassapput
  • Utoqqalinersialik ukiumut nammineq 544.263 koruuninik isertitaqaruni tunngaviusumik tunniunneqartartut atorunnaassapput

Utoqqalinersiallip nammineq isertitaanit tunngaviusumik utoqqalinersiat taamaallaat ilanngarneqassapput, akerlianillu utoqqalinersiallit tapii ikilisinneqartarlutik aammalu aappaasup katillugit isertitai ilanngarneqaratarsinnaallutik.

 

Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfik
Imaneq 4
Postboks 260
3900 Nuuk

Oqarasuaat: (+299) 34 50 00
E-mail: iian@nanoq.gl
Nittartagaq: www.naalakkersuisut.gl
Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.