Studielån sananeqarsinnaanngikkallarput, attaveqaatikkut ajutooqqaneq peqqutaalluni, Ilinniagaqarnersiuteqartitsivimmit suliaq aaqqinnissaa sulissutigineqarpoq.

Danmarkimi pensionisiat

Nunatsinni utoqqalinersiaqartuullutit Nunarput qimallugu Danmarkimut nuukkuit, utoqqalinersiatit attatsiinnarsinnaanngilatit. Allatut oqaatigalugu, Danmarkimut nuukkuit qaammatip naanerani utoqqalinersiatit taamaatinneqassapput.

Taamaattorli Danmarkimi folkepensioneqarnissannik qinnuteqarsinnaavutit. Danmarkimut nuunniaruit piumasaqaatit eqquutsissimagukkit taakku qinnuteqaatigissavatit.

Folkepensioneqarnissamut qinnuteqarsinnaavutit aatsaat Danmarkimi najugaqaruit. Taamaammat eqqaamassavat nuunnerit oqartussanut nalunaarutigissagakku.

Danmarkimi folkepensioni pillugu paasissutissat allat atuakkit uani
Danmarkimi folkepensioninik pisartagaqarniaraanni piumasaqaateqarpoq:
  • Danskit naalagaaffianni innuttaassuseqassaatit
  • Danmarkimi aalajangersimasumik najugaqassaatit
  • 15-inik ukioqalernermit utoqqalinersiaqalertarnerlu tikillugu ukioqarnermi Danmarkimi, Savalimmiuni Kalaallillu Nunaanni sivikinnerpaamik ukiuni pingasuni aalajangersimasumik najugaqarsimassaatit

Folkepensioninik pisartagaqalersinnaaninnut maleruagassat assigiinngitsut pigineqarput. Assersuutigalugu 65-inik imaluunniit 67-inik ukioqarlutit folkepensioninik pisartagaqalersinnaassaguit, ukioq suna inunngorsimanerit apeqqutaavoq. Taamaammat danskit inatsisiliornerat malillugu piumasaqaatit eqquutsinnerlugit eqqumaffigissavat.
Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.