Namminersorlutik Oqartussat suliffeqarfinni, pisortaqarfinnilu sulisut, innuttaasullu kaammattorpai angalassannginnerannik - Paasissutissat annertunerusut nun.gl-imi atuarsinnaavatit

Atuartut angerlarsimaffii

Inoqarfinni minnerni meeqqat atuarfii ukiut atuarfiusussat tamakkerlugit atuartitsinissamut neqerooruteqanngillat. Tamatuma kingunerisaanik inoqarfinni minnerusuni atuartut meeqqat atuarfiat, amerlanertigut 7. klassimiit, illoqarfinnut anginerusunut naammassiartortariaqartarpaat. Atuartut najugartik qimallugu atuarnerminni atuartut angerlarsimaffiini najugaqarsinnaapput.

Atuartut angerlarsimaffiini inersimasunik atuartunik isumaginnittussanik atorfeqartitsisoqarpoq. Atuartut angerlarsimaffiini najugaqartitsineq akeqanngilaq, atuartullu taakkunani najugaqarnerminni nerisaqartinneqartarput. Angajoqqaalli meeqqamik atisassaat ulluinnarnilu pisariaqartitaat allat namminneq isumagisassaraat.

Meeraqaruit atuarnini naammassiniarlugu allamut nuuttariaqartumik, meeqqat atuartut angerlarsimaffianni inissaqartinneqassaaq. Tamatumunnga qinnuteqarnissaq angajoqqaat, meeqqap atuarfiullu akornanni suleqatigiinnikkut suliarineqassaaq. Atuartut angerlarsimaffiannut pissutsit sumiiffimmiit sumiiffimmut assigiinngitsuusinnaapput, najukkannili atuarfik aqqutigalugu paasissutissanik pissarsinissamut periarfissaqartuaannarpoq.
Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.