Suliffiup iluani suleqatigisat

Meeqqat ataasiakkaat atuarnerminni atuagarsornikkut inuttullu pitsaanerpaamik pissarsiaqaqqullugit pingaartuuvoq meeqqat inuttut avatangiisaasa tamarmik suleqatigiinnissaat.

Meeqqat atuarfiat avammut suleqaterpassuaqarpoq – atuarfiup avataani – soorlu politikerit, tarnip pissusaanik ilisimasallit, nakorsat politiillu, kiisalu suliffiup iluani suleqatit, tassaasut atuarfinni ataasiakkaani suleqatigisat.

Suliffiullu iluani suleqatigisat tassaapput:

• Atuarfiup siulersuisui
• Atuarfiup aqutsisui
• Suleqatigiinnissamut ataatsimiititaliat
• Atuartut sinniisaat
• Perorsaanermut ataatsimiititaliat
• Isumannaallisaanermut ataatsimiititaliat

Suleqatigisat tamarmik – atuarfiup iluani avataanilu – meeqqap atuarneranik pitsaanerpaamik tuninissaanut pingaaruteqarput, tamarmillu meeqqap soqutigisai aallaavigalugit suleqataanissaminnut pisussaatitaapput.

Atuarfiup siulersuisui atuarfiullu aqutsisui pillugit paasissutissat allat atuakkit

Atuarfiit tamarmik 20-it sinnerlugit sulisullit ‘suleqatigiinnissamut ataatsimiititaliaqassapput’.

Suleqatigiinnissamut ataatsimiititaliami siunertarineqarpoq, kommunip ingerlatsiviani atuarfiutaannilu naammassiuminarsaanermut sulisut soqutiginninnerat annertusarneqassasoq, sulinerullu naammaginartumik ingerlanneqarnissaa qulakkeerniarlugu, kommunip atuarfeqarfiini alloriarfinni tamani aqutseriaatsit sulisunut ataasiakkaanut imaluunniit arlalikkuutaartunut sapinngisamik akisussaaffiit pisinnaatitsinerillu anginerpaamik agguataarnissaannut siunertaqartut atorneqassapput.

Sulisut akisussaaffilernerisigut pisinnaatinneqarnerisigullu, sulinerup aaqqissuunnissaanut aammalu sulinerminni killiffimmi ilusilersornissaanut aalajangeeqataanissaminnut periarfissaqartinneqassapput aalajangiinernilu sunniuteqaqataasinnaallutik.

Atuarfinni tamani atuartut sinniisoqartussaapput. Atuartut sinniisaat tassaapput atuartut suleqatigiit atuarfimmi atuartunit toqqakkat. Atuartut sinniisaasa suliassaraat qulakkiissallugu atuartut atuarfimmi suliani taakkununnga tunngasuni tusarniarneqartarnissaat.

Atuartut sinniisaasa atuarfiup aqutsisui ilinniartitsisuilu suleqatigaat. Atuartut sinniisaasa ilaatigut makkua sunniuteqarfigisinnaavaat:

• Malittarisassat
• Pinnguartarfeqarneq
• Sammisassat, soorlu sisorarfissiorneq

Malugiuk
Atuarfinni minnerusuni atuarfimmi siulersuisut aalajangersinnaavaat atuartut sinniisaasa suliassaat atuartuni tamanit isumagineqartassasut.

Atuartuuneq tassaaginnanngilaq atuartinneqarneq. Atuartut atuartinneqarnerminni pitsaanerpaamik pissarsiaqassappata pisariaqarpoq atuarfimmi ilinniartitsisut aqutsisullu aamma atuartitsinerup avataani pisunut qanoq iliuuseqartarnissaat. Tamanna atuarfiit tamarmik perorsaanermut ataatsimiititaliaqartussaanerat qulakkeerniarlugu.

Perorsaanermut ataatsimiititaliaq atuarfiup pisortaanik sulisunillu aalajangersimasunik atuartitsinermik suliaqartunik tamanik inuttaqarpoq. Perorsaanermut ataatsimiititaliap assersuutigalugu qulakkiigassaraa:

• Ullup atuarfiusup pitsaasup qanoq ittuunissaanut assersuutigalugu nalilersuisoqarnissaa ataatsimoorussamillu isummersortoqarnissaa
• Ataatsimoorussamik suliniuteqartoqarnissaa, soorlu qinngasaarisarneq, kigutigissaaneq atuartitsissutillu pitsanngorsarnissaat eqqarsaatigalugit
• Atuartunut ataasiakkaanut suliniutissanik piareersaasiortoqarnissaa
• Atuartut sinniisaasa sammisanut taakkununnga tunngasunut tusarniarneqartarnissaat, soorlu anitsiartarfinnut sammisanullu allanut

Perorsaanermut ataatsimiititaliaq taamaalilluni atuarfiup aqutsisuinut siunnersortaavoq apeqqutini perorsaanermut tunngatillugu atuarfimmut atuartunullu tunngasuni tamani.

Meeqqat atuarfii tassaaginnanngillat meeqqanut atuartitsissutini assigiinngitsuni atuartitsisarfiit, aammali suliffeqarfiupput. Taamaalilluni isumannaallisaanermut malittarisassarpassuaqarpoq eqquutsinniagassanik. Malittarisassat taakkua eqquutsinneqarnissaat qulakkeerniarlugu atuarfiit tamarmik qulit sinnerlugit sulisoqarunik Isumannaallisanermut ataatsimiititalianik pilersitsissapput.

Isumannaallisaanermut ataatsimiititaliaq atuarfinni ataasiakkaani sulisunik inuttaqarpoq. Taakkua isumannaatsumik peqqinnartumillu suliffeqarnissaq suliniutissaraat. Isumannaallisaanermut ataatsimiititaliap ilaatigut suliassarai:

• Atuarfimmi sullivimmi atugassarititaasut, soorlu nipimut ininullu tunngasut misissornissaat
• Isumannaallisaanerup pitsanngorsarnissaanut pilersaarusiorneq
• Pikkorissarnerit assigiinngitsut piareersaasiornissaat, soorlu ikiueqqaarnermik pikkorissaanerit isumannaallisaanermullu tunngasunik pikkorissaanerit allat
• Inuusuttuaqqat 13-it 15-illu akornanni ukiullit imaluunniit atuartussaatitaasut sulisinnaanerat killeqartinneqarpoq. Aammattaaq sumik suliaqarsinnaanerat pillugu killeqartinneqarput.
Atuartut akornanni inuusuttunik sulisinnaanertik qaangerlugu sulisinneqarpata, illit aqutsisutut pisussaavutit qanoq iliuuseqarfigissallugit

Malugiuk
Atuarfiit qulit inorlugit sulisullit isumannaallisaanermut tunngasunik Suleqatigiinnissamut ataatsimiititaliamut suliakkiisinnaapput.