Umiartuussinissamik pilersaarutit

Illoqarfiit nunaqarfiillu amerlanerpaat Royal Arctic Line-mit pilersorneqarput. Pilersuinermilu pineqartut tassaasinnaapput biilit, pequtit nioqqutissallu allat ulluinnarni atorneqartartut.
Nassiussanik utaqqisaqaruit imaluunniit umiarsuakkut nassiussiniaruit, Royal Arctic Line-p umiarsuakkut pilersuinissamut pilersaarutaa pingaarneq misissorukku pitsaasuussaaq, taamaalillutit utaqqilussinnassanngilatit.

Umiarsuakkut pilersuinissamut pilersaarut pingaarneq tassaavoq Royal Arctic Line-p ukiup ingerlanerani illoqarfinnut nunaqarfinnullu ataasiakkaanut apuuffissatut naatsorsuutaanut pilersaarutaa. Royal Arctic Line pilersaarutinik pingaarnernik marlunnik peqarpoq:
• Umiarsuakkut pilersuinissamut pilersaarummi pingaarnermi Atlantikoq ikaarlugu aamma illoqarfiit akornanni umiarsuit ingerlaffissaasa ullulerneqarneri takusinnaavatit
• Nunaqarfinnut umiarsuakkut pilersuinissamut pilersaarummi pingaarnermi umiarsuit tikiffissaasa ullulerneqarneri takusinnaavatit

Umiarsuakkut pilersuinissamut pilersaarutit pingaarnerit Royal Arctic Line-p nittartagaani ”Ingerlaarfiit” nalaanni takusinnaavatit.