Teologi (BA)

Kristumiuussutsip oqaluttuassartaa, ineriartorsimanera ullumikkullu kalaallit inuiaqatigiit inissisimanerat soqutigisarivigit?

“Teologiimik ilinniartut ilinniagassarivaat kristumiuussutsip pinngorsimanera, oqaluttuassartaa aamma ullutsinni aporfiusut.” - Flemming Nielsen, immikkoortortaqarfimmi pisortaq

Taamatut ilinniarnikkut nammineerluinnarlutit, nalitsinni kristumiuussuseq ingerlanneqartoq pillugu nassuiaasinnaalerlutillu piginnaasaqalissaatit.

Teologiimik ilinniagaq ilisimatusaatit tunngavigalugit ilisimatusarnermi ilinniagaavoq qangatoortunik sisamanik immikkoortulik: Biibilimik nassuiaaneq, Oqaluffiit oqaluttuarisaanerat, Teologiip ataqatigiinnera kiisalu Teologiimi suleriaaseq.

Teologiimi suliassaqarfiup iluani sammisat aamma ajornartorsiutit qanoq issusaat nammineerluni suussusersisinnaanngornissaannut suliarisinnaanngornissaannullu ilisimasanik pisinnaassutsinillu ilinniartumut ilinniagaq pisinnaasaqalersitsisarpoq.

Sammisanik suliassanillu teologiimut, upperisamut, oqaluffinnut piorsarsimassutsimullu tunngasunik suliaqarnermik, eqqarsaatiginneqqissaarnermik, ilinniartitsinermik ingerlatitseqqiisarnermillu suliaqarfiusuni atorfinni atorfinnilu sulianut ilinniartoq piginnaasaqalissaaq.

Teologi-mut bacheloritut ilinniarnermut tiguneqassagaanni qinnuteqartoq ukuninnga angusaqarsimassaaq:
Ilinniarnertuunngorniarfimmi karakter minnerpaamik 2 (GGS-skala atorlugu) anguneqarsimassaaq.

•Ilinniarnertuunngorniarfimmi kalaallisut aamma danskisut allattariarsornermi oqaluttariarsornermilu A-niveau angusimassallugu.
• Ilinniarnertuunngorniarfimmi allattariarsornermi oqaluttariarsornermilu B angusimassallugu
• Ilinniarnertuunngorniarfimmi upperisarsiornermi C angusimassallugu

Qinnuteqartut tiguneqarnissamut piumasaqaatinik angusisimanngitsut immikkut akuerineqarnissamut qinnuteqarsinnaapput. Immikkut akuerineqarnissamik qinnuteqaat piumassuseqarnermik tunngaveqassaaq, kiisalu qinnuteqartup ilinniarnermik naammassisaqarnissaanut erseqqissaataasumik ilinniagaqarsimanermut imaluunniit inuussutissarsiornermut naatsorsuutigisaqnik nassuiaatitaqassalluni. Immikkut akuerineqarnissamut qinnuteqaat ilinniarsimanermut aamma CV-mik uppernarsaatinik imaqassaaq kiisalu uppernarsaataasinnaasut allat ilanngullugit Teologi-mut immikkoortortaqarfimmut tunniunneqassallutik, tassani qinnuteqaat akuerineqassanersoq imaluunniit itigartinneqassanersoq nalilersorneqassalluni. Suliamik suliarinninnermut atatillugu immikkoortortaqarfiup qinnuteqartoq oqaloqatigiinnissamut aggersarsinnaavaa piumasaralugulu qinnuteqartoq tigusaanissamut misilitsinnermut angusissasoq. Nalinginnaasumik tigusaanissamut qinnuteqaatit saniatigut immikkut qinnuteqaatinik nalilersuinermi makku pingaartinneqartarput:

• Allatut ilinniagaqarnissamut tiguneqarnissamut piumasaqaatinut naleqquttumik qinnuteqartoq ilinniarnissamut piukkunnaateqarnersoq aamma
•Qinnuteqartoq ilageeqarnermut aamma/imaluunniit upperisarsiornermut misilittagaqarnersoq.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Qinnuteqaatit Ilisimatusarfimmit suliarineqassaaq, ilinniagaqarnersiuteqarnissamut qinnuteqaatit Ilinniagaqarnersiuteqartitsivimmit suliarineqassalluni, kisianni taakku tamarmik Ilisimatusarfimmit allaffissornikkut aqunneqassapput.

nalunaarfigineqassaatit akuerisaasimanerlutit imaluunniit akuerisaasimannginnerlutit.

Eqqaamallugu ilumut ilinnialerniarlutit nalunaarutigissagakku.

Qinnuteqarnerpit nalaani suli soraarummeersimanngikkuit akuerineqarsinnaavutit soraarummeerninni angusisimanissat piumasaqaatiginerqarluni.
Eqqaamallugu soraarummeersimanermut uppernarsaat nassiunneqassammat kingusinnerpaamik juunip 29-ani.

Ilinniarnerup qaqugu aallartinnissaa, ilinniagaqarnersiutit il.il. pillugit kigusinnerpaamik 15 januaari Iliisimatusarfimmit ilisimatinneqassaatit.

Ilinniarnermik aallartiffik
Ilinniagaq ingerlaavartumik 1 septembari

Neqeroortoq
Ilimmarfik

Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit

Suliffimmik misiliinermi pissutsit
Suliffimmik misiliissanngilatit

Siunissami periarfissat / Suliffiusinnaasut
Bachelorinngorniarneq ilagiinnit kalaallini palasitut atorfinissinnaanermut aqqutissatut akuerisaavoq, tamanna qaammatini arfinilinni sivisussusilimmik palasinngorniarluni pikkorissarnermik ilasimagaanni.
Patsoralserminarium pillugu una paasissutissaqarpoq: Ilisimatusarfiup nittartagaa.
Aamma inunnik isumaginninnerup iluani, ilinniartitsinermik aamma pisortani kattuffinniluunniit namminersortuni attaveqaqatigiinnermik suliaqalersinnaavutit.

Ilinniarnermik aaqqissuussineq
https://da.uni.gl/media/i0jjtsrj/studieordning_2024_teologi.pdf

Isumaqaruit Ilisimatusarfiup akuerineqarnissannik aalajangiinera maleruagassanik unioqqutitsisinerusoq maalaarsinnaavutit. Maalaarut allaganngorlugu nassiutissavat ilinniartunik kiffartuussivimmut: studieadm@uni.gl. Maalaarut tunngavilersussavat tunniutissallugulu kingusinnerpaamik aalajangiinerup nalunaarutigineqarneraniit sapaatit akunneri sisamat qaangiutsinnagit.