Najugaqarnermut uppernarsaat suli aasinnaanngilat. Aamma meeqqavit ulluunerani paaqqinnittarfimmi paaritittalernissaanut, paaritittarunnaarnissaanut utaqqisut allattorsimaffiannulluunniit allatsissinnaanngikkallarpat.  Imminut sullississutit taakku kommunit pigivaat. Taamaattumik taakku pillugit apeqqutissaqaruit, kommunerisannut saaffiginnissaatit.

Ineqarneq pillugu maalaarnissamut ataatsimiititaliassamut maalaaruteqarit

Maana maalaaruteqarit
Ineqarneq pillugu maalaarnissamut ataatsimiititaliaqarfiup kommunit imaluunniit Namminersorlutik Oqartussat inissiat attartortittagaannut tunngasut aalajangerneqarsimasut suliarisarpai. Kommunip imaluunniit Namminersorlutik Oqartussat inaataanni ineqaruit, Ineqarneq pillugu maalaarnissamut ataatsimiititaliaqarfianut naammagittaalliuuteqarsinnaavutit assersuutigalugu makku pillugit
  • Inigisamiit nuunnermi naatsorsuutit
  • Inigisamut akiliutit qaffannerini ilisimatitsineq
  • Inigisamik aserfallatsaaliuineq iluarsaassinerlu
  • Inissiaatileqatigiiffiup aalajangiussaa periutsimut illersorneqarsinnaanngitsumut

Naammagittaalliuuteqassaguit imaaliorsinnaavutit:
  • Naammagittaalliuuteqarnermi immersugassaq immersorlugu. NemID-mik peqaruit, naammagittaalliuteqarnissamut immersuiffissaq toqqaannartumik attaveqaatitigoortumik nassiussinnaavat
  • Allakkamik allallutit
  • E-mail-imik allallutit
  • Sianerlutit

Naammagittaalliuutivit suliarinissaanut Ineqarneq pillugu maalaarnissamut ataatsimiititaliap iluaqutigissavai, nassiussanut ilanngukkukkit makkua:
  • Allakkatigut aalajangiussaq
  • Allallu takussutissat inissiaatileqatigiiffimmiit

Ineqarneq pillugu maalaarnissamut ataatsimiititaliaqarfiup allattoqarfianiit nalilerneqarpat, Ineqarneq pillugu maalaarnissamut ataatsimiititaliaqarfiup suliassaq suliarisinnaallugu pisinnaatittaappat, piumaffigineqassaatit akiligassaq koruunit 150,00 akileqqullugit. Akiliutit utertinneqassaaq tamakkiisumik ilaannakortumilluunniit taperserneqaruit.

Eqqumaffigissavalli Ineqarneq pillugu maalaarnissamut ataatsimiititaliaqarfiup naammagittaalliuutit tamaasa suliarisinnaanngimmagit.

Ataatsimiititaliaq minnerpaamik ukiumut pingasoriarluni ataatsimiittarpoq, ilaasortanik suliat oqallisigineqarlutik, kiisalu aalajangiiffigineqarlutik.

Suliareqqitassanngortitsineq
Ineqarneq pillugu maalaarnissamut ataatsimiititaliaqarfiup aalajangiussai eqqartuussivimmut suliareqqitassanngortissinnaavat.

Malugiuk
Ineqarneq pillugu maalaarnissamut ataatsimiititaliaqarfiup nittartaagaa atorlugu sukumiinerusumik atuarsinnaavutit aua.gl/kl/maalaarut. Nittartakkamittaaq nassaarisinnaavatit aalajangiussat, Ineqarneq pillugu maalaarnissamut ataatsimiititaliaqarfiup aalajangigai.
Ineqarneq pillugu maalaarnissamut ataatsimiititaliaq

Atuisartoqarnermut Unammilleqatigiinnermullu Aqutsisoqarfik

Postboks 689
3900 Nuuk

Oqarasuaat: (+299) 32 80 33
E-mail: maalaarut@nanoq.gl
Nittartagaq: aua.gl

Ammasarfiit
Ulluni suliffiusuni 10:00 – 15:00
Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.