Inunnut kommunit agguataarnerisa avataaniittunut Digitalimik Allakkerineq

Ulloq 1. januar 2021 aallarnerfigalugu Kalaallit Nunaanni innuttaasut tamarmik 15-ileereernikut pisortani oqartussanit Allakkanik Digitaliusunik allagarsisalernissaminnut inatsisitigut pisussaaffeqalissapput.

Innuttaasuttaaq kommunit agguataarnerisa avataaniittut allakkanik digitaliusunik allagarsisalernissaminnut pisussaaffeqarput. Innuttaasutut Pisortani Digitalimik Allakkerinermut ilanngunnissamit namminerisamik pisussaajunnaarsinneqarnavianngilatit. Pisussaajunnaarsinneqarnissat kissaatigigukku nammineerlutit qinnutigissavat.

Innuttaasut kommunit agguataarnerisa avataaniittut amerlasuutigut internetimik attaveqartuuneq ajorput. Taamaammat digitalimik allakkerivimi alakkarternissaanut ajornakusoortitsisassapput.

Inunnut kommunip agguataarnerisa avataanniittutut nalunaarsorsimasunut marlunnik periarfissaqarpoq. Periarfissat tassaapput:

1. Ikinngutivit, ilaquttavit imaluunniit qaigisavit atuarsinnaaneranut pisinnaatitsissummik qinnuteqarsinnaavutit
2. Pisortani Digitalimik Allakkerinermut ilanngunnissamit pisussaajunnaarsitsinissamut qinnuteqarsinnaavutit

Qanigisavit atuarsinnaaneranut pisussaatitsinermi najoqqutarisassanik tunngavissaqanngilaq.

Allakkanik Digitaliusunit pisussaajunnaarsitsineq piumagukku, najoqqutassani ikinnerpaamik ataatsimik naapertuutsitsissaatit:

• 1. januaari 1950 sioqqullugu inunngorsimaneq
• Timikkut eqqarsartaatsikkulluunniit innarluuteqarneq
• Qarasaasiaqannginneq internetimulluunniit attaveqaatilimmik atortorissaaruteqannginneq
• Kalaallit Nunaanni najugaqavikkunnaarsimaneq
• Oqaatsit tungaatigut aporfeqarneq
• NemID-mik pissarsisinnaannginneq assersuutigalugu nunani allaniinneq pissutigalugu
• Najugaqarfigisap internetimut attaveqannginnera

e-Boksip atornera innuttaasunut akeqanngilaq. Digitalimik allakkerisarfinni allakkat digitaliusut qanoq amerlatigissanersut killeqanngilaq.

Kommunit agguataarnerisa avataaniittutut nalunaarsorsimaguit digitalimillu allagarsiiviit takunissaanut periarfissaqarnat, pisussaajunnaarsinneqarnissamullu kissaateqarnak, internetikkut immersugassaq nassiussinnaavat atuarsinnaanermullu pisinnaatitsissummik qinnuteqarlutit.

Taamaalillutit digitalimik allagarsiiviit ikinngutinnut, ilaquttannut imaluunniit qanigisannut alakkartertittarsinnaavat.

Inernetikkut qinnuteqaruit NemID atussavat.

Internetikkut atuarsinnaanermut pisinnaatitsiniarlutit qinnuteqarniaruit una tooruk

Kommunit agguataarnerisa avataaniittutut nalunaarsorsimaguit, kalaallillu kommunianni aalajangersimasumik najugaqartutut nalunaarsorsimanak, pisussaajunnaarsinneqarnissamut qinnuteqarsinnaavutit.

Kalaallit Nunaani avataani najukkatut nalunaarsorsimasumut allagarsiassatit digitaliusut pappialanngorlugit nassiunneqartassapput.

Internetikkut qinnuteqaruit NemID atussavat.

Internetikkut pisussaajunnaarsinneqarnissamut qinnuteqarniaruit una tooruk

Atuarsinnaanermut pisinnaatitsinermik imaluunniit pisussaajunnaarsitsinissamut internetikkut qinnuteqaatit nassiukkukku, internetikkut immersukkavit nassiunnerata kinguninngua qinnuteqaatit akissuteqarfigineqassaaq.

• Atuarsinnaanermut pisinnaatitsinissamut qinnuteqaativit nassiunnerani qinnuteqarnermut immersukkat e-Boksimi pisinnaatitsinermut tunngasuni nalunaarsorsimassaaq. Pisinnaatitsinermut nalunaarsuineq anngutereersimalerpat akissuteqarfigineqassaatit.
  
  
• Pisinnaajunnaarsinneqassaguit pisinnaajunnaarsitsineq sullissisumit nalunaarsorneqassaaq. Tamatuma kingorna allakkanik digitaliusunik pissarsisarunnaartussatut allakkanilli pappialanik pissarsisartussatut nalunaarsorsimalissaatit.

Oqartussaasut aalajangiinerat naammagittaalliuutigineqarsinnaanngilaq.