MitID Innuttaasunut Sullissivimmi
Kommunerisat toqqarukku takusinnaavat MitID-mik atuutilersitsinissaminut piareersimanersoq.
Kingullermik nutarterneqarpoq 02-06-2023
Kommunerisannuinnaq aalajangersimasunik paasissutissaqarpoq.
Innuttaasunut sullissivimmi MitID pillugu ikiorneqarniaruit, kinaanerlutit uppernarsinnaasariaqarpat. Tassungalu peqqutaavoq allap kinaassusaanik atornerluisoqannginnissaa anguniarlugu MitID-mut atatillugu kinaassutsimut uppernarsaanissaq sakkortuumik piumasaqaataammat.
Innuttaasunut sullissivimmi MitID pillugu ikiorneqarnissamik pisariaqartitsileruit, kinaassutsimut uppernarsaammik atuuttumik nassassaatit immaqaluunniit inummik illiuninnik uppernarsaasinnaasumik ilagisaqassaatit.
Kinaassutsimut uppernarsaammik assitalimmik immaqaluunniit kinaassutsimut uppernarsaatinik assitaqanngitsunik marlunnik takutitaqassaatit
Innuttaasunut kiffartuussivimmut ornigunninni, kinaassutsimut uppernarsaatitut atorsinnaasatit assitallit tassaasinnaapput:
- Passi Kalaallit Nunaannit Danmarkimiilluunniit tunniunneqarsimasoq
- Passi oqartussaqarfinnit Kalaallit Nunaanneersuunngitsunit tunniunneqarsimasoq
- Passi chipitalik oqartussaqarfinnit Kalaallit Nunaanneersuunngitsunit tunniunneqarsimasoq
- Kalaallit Nunaanni immaqaluunniit Danmarkimi biilersinnaanermut allagartaq
- Digitalimik Danmarkimi biilersinnaanermut allagartaq (kørekort-app)
- Nunami Kalaallit Nunaanniunngitsoq biilersinnaanermut allagartaq pisortaqarfinnit tunniunenqarsimasoq
- Pisortaqarfinnit Kalaallit Nunaanneersuunngitsumit kinaassutsimut uppernarsaat assitalik
- Pisortaqarfinnit Kalaallit Nunaanneersuunngitsumit kinaassutsimut uppernarsaat chipitalik aamma assitalik
- Danmarkimit najugaqarsinnaanermut uppernarsaat tunniunneqarsimasoq assitalik (najugaqarsinnaanermut korti)
Kinaassutsimut uppernarsaatinik assitalinnik peqanngikkuit, kinaassutsimut uppernarsaatit assitaqanngitsut ataani allassimasut uppernarsaatigisinnaavatit:
- Atimut uppernarsaat
- Kuisissimanermut uppernarsaat
- Inunngorsimanermut uppernarsaat
- Najugaqarnermut uppernarsaat Kalaallit Nunaannit tunniunneqarsimasoq
Kinaassutsimut uppernarsaatigisat inuup normuanik allasimasoqanngippat, inuup normunnut uppernarsaatitalimmik allamik nassataqassaatit.
Malugiuk:
Kinaassutsimut uppernarsaat atuuttuussaaq. Assersuutigalugu passit biilersinnaanermulluunniit uppernarsaatit qaangiussimassanngillat.
Inuup kinaassutsinnut uppernarsaasussap innuttaasunut sullissiviliaqatigissavaatit, illiunerillu uppernarsassallugu.
Kinaassutsimut uppernarsaassagaanni 18-ileereersimasariaqarpoq, ullullu 10 sinnerlugit MitID-qarsimassalluni. Kinaassutsimut uppernarsaasussaq kinaassutsimut uppernarsaammik atuuttumik nassataqassaaq (passi immaqaluunniit biilersinnaanermut uppernarsaat Kalaallit Nunaanneersoq Danmarkimeersorluunniit) MitID-qassallunilu. Inuk ullut 120 ingerlanerini annerpaamik pingasoriarluni inummut uppernarsaatinneqarsinnaavoq.
Danmarkimi MitID pillugu ikiorsiivik
Oqarasuaat: +45 33980010
Maili:https://support-mitid.digst.dk/
- Ataasinngornermiit tallimanngornermut nal. 04.00-16.00. (Nunatsinni nalunaaqutaq)
- Arfininngorneq, sapaat sapaassuarnilu nal. 06.00-12.00. (Nunatsinni nalunaaqutaq)
Malugiuk: Danmarkimi MitID pillugu ikiorsiiviup attaveqarfiginerani oqaatsit qallunaatut atorneqarmata.
Periarfissatut kommunerisat MitID-mik atuutilersitsinissamut piareersimappat najukkanni innuttaasunik sullissivimmut saaffiginnissinnaavutit.