NemID ajorallarpoq. Ajoqutaasoq Nets-ip iluarsiiviginiarlugu sulissutigaa. Pisarissersuineq utoqqatsissutigaarput.

MitID-mi isumannaassutsit

MitID-mi isumannaassuseq annertusagaavoq taamaalillutit kinaassutsimik tillinniarfigitinnissamut illersugaalluarnerussallutit. Isumannaassuseq ilaatigut “isumannaassutsitigut” annertusarneqarpoq. Uani makku atuarsinnaavatit:

  • MitID-mi isumannaassutsit suuppat?
  • Isumannaassuseq uannut suna atuuppa?
  • Isumannaassuseq uannut atuuttoq qanoq annertusarsinnaavara?

MitID pingasunik isumannaassutsinik peqarpoq: ”Appasissoq”, ”Annertooq” aamma ”Qaffasissoq”.

Qaffasissutsit ilaanni kinaassutsivit akuerinissaanut pingaaruteqarnerusarpoq. Taamaattumik isertarnissannut piumasaqaatit assigiinngitsuupput:

  • Appasissoq – Kiffartuussissutit ilaanni MitID-mi atuisutut ID kinaassutsivit akuerinissaanut ass. MitID-mi isissutissatut kodetalik taamaallaat atorsinnaavat

  • Annertooq – Kiffartuussissutini amerlanerpaani kinaassutsivit akuerinissaanut periutsit marluupput ass. MitID-mi appi aamma PIN-kode imaluunniit MitID-mi kodemik takutitsissut aamma isissutissatut kode.

  • Qaffasissoq – Kiffartuussissutini ataasiakkaani digitalimik imminut sullitariniarluni aaqqiissutini aalajangersimasuni isumannaassuseq qaffasippoq. Matumani kinaassutsimut uppernarsaatit ikinnerpaamik marluk atussavatit kinaassutsimullu uppernarsaatit ilaatigut kopeerinissamut aamma ajortumeeriniarnermut immikkut isumannaallisagaallutik.

MitID-mik peqaleruit isumannaassutsimik pilersitsisoqassaaq. Isumannaassutsit MitID-milu kinaassutsimut uppernarsaatit atukkatit naapertorlugit aalajangerneqassaaq sukkut isissanerlutit aamma MitID-mik akuersissanerlutit. Amerlanerpaat isumannaassuseq Qaffasissumi iserniartillutik MitID-mik atuisariaqarput. Tamanna pisariaqarpoq pisortani kiffartuussissutit assersuutigalugu sullissivik.gl atorniarukku aamma namminersortut kiffartuussissusaat soorlu netbank aamma sillimasiisartut atorniarukkit.
Isumannaassutsimut tunngasup annertusarneqarsinnaanera taamaallaat innuttaasunik sullissivimmi pisinnaavoq.

Isumannaassuseq Appasissumi nalunaarsorsimaguni isumannaassutsimullu Annertuumut qaffatsinniarlugu, innuttaasunik sullissivimmut saaffiginnissaatit. Malugiuk: Taamaaliorsinnaavutit aatsaat kommunerisat MitID-mik atuutilersitsinissaminut piareersimappat.

Uannga allanneqarpoq: Digitalimik Sullissinermut Aqutsisoqarfik

Digitalimik Sullissinermut Aqutsisoqarfik
Postboks 1078
3900 Nuuk

Oqarasuaat. (+299) 34 50 00
E-mail: digitalisering@nanoq.gl
Nittartagaq: digitalimik.gl
Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.