Avaleraasartuunik ammassassuarnillu aalisarsinnaanermut akuersissutinik qinnuteqarneq

Inuussutissarsiorluni aalisartutut atuussinnaasumik Aalisarnermut aamma piniarnermut Naalakkersuisoqarfiup akuerisimasaanik aalisarnermut akuersissuteqartariaqarputit.
Aalisarnermut akuersissut aalisagaqatigiinnut ataatsinut atuuppoq:

• Sumiiffimmi killilikkami ataatsimi,
• Ukiumi ataatsimi januaarip aallaqqaataaniit decembarip 31-ianut, imaluunniit
• Piffissami aalisarfiusumi ataatsimi Aalisarnermut Piniarnermullu Naalakkersuisoqarfimmit nalunaarutigineqartumi.

Avaleraasartuunik aamma ammassassuarnik aalisarneq kalaallit nunaanni nutaajuvoq. Tamanna ima isumaqarpoq, aalisarneq suli ineriartormat aammalu Naalakkersuisut aalisarnermi piumasaqaatinik ataavartumik allannguisarlutik. Ukiumi aalisarfiusumi piumasaqaatit atuuttut Naalakkersuisut.gl aqqutigalugu tusagassiorfinnut nalunaarutigineqartarput.

Sunngiffimmi aalisartutut aalisarsinnaanermut akuersissut pillugu qinnuteqarsinnaanermut piumasaqaatit makku naammassisimassavatit:

• Ingerlatseqatigiiffik aktiaateqarluni ingerlatseqatigiiffiussaaq, piginneqataassuteqarfiulluni ingerlatseqatigiiffiussaaq, piginneqatigiiffiussaaq imaluunniit piginneqatigiilluni umiarsuaatileqatigiiffiussalluni
• Ingerlatseqatigiiffiup aningaasaataasa minnerpaamik 2/3-lii inunnit ataasiakkaanit toqqaannartumik imaluunniit toqqaannanngitsumik pigineqassapput, taannalu
  
  • kalaallinut inuiaqatigiinnut aalajangersimasumik attuumassuteqassaaq,
  • Kalaallit Nunaanni najugaqartuuvutit, ukiunilu kingullerni 2-ni najugaqartuusimallutit
  • Kalaallit Nunaanni akileraarutinik akiliisarputit, ukiunilu kingullerni 2-ni akiliisarsimallutit
• Angallat/angallatit Kalaallit Nunaanni erfalasoqarfeqassaaq/-sapput, Søfartsstyrelsen-illu angallatinik nalunaarsuiffianni nalunaarsorneqarsimassalluni/-tik

kiisalu ukiut tamaasa avaleraasartuunut aamma ammassassuarnut taamaallaat atuuttunik piumasaqaatinik tunngavissanillu aalajangersaasoqartarpoq.    Tunngavissat taakku Naalakkersuisut.gl. aqqutigalugu tusagassiorfinnut nalunaarutigineqartarput.  Tamanna amerlanertigut upernaakkut pisarpoq

Qinnuteqartutut illit nammineq akisussaavutit Avaleraasartuunik aamma ammassassuarnik aalisarnermi tunngavissanik ilisimasaqalissallutit.

Avaleraasartuunut aamma ammassassuarnut aalisarsinnaanermut akuersissutit pillugit qinnuteqassaguit nammineerluni immersuinissamut toortagaq sungaartoq "Ugguuna qinnuteqarit" quppernermi uani qullerpaamiittoq atorlugu qarasaasiakkut qinnuteqarsinnaavutit Immersuiffissaq qarasaasiakkut immersorniarukku nassiunniarukkulu "Immersoruk nassiullugulu" toqqaruk.

Qinnuteqaatinnut makku ilanngunneqassapput:

• Angallatip naalagaaffimmut attuumassuteqarneranik uppernarsaatip assilinera
• Angallatip uuttuutai pillugit allagartap assilinera
• Ingerlatseqatigiiffimmik piginnittut pillugit allagartaq atuuttoq

Toortakkap "Ugguuna qinnuteqarit" toorneratigut qarasaasiakkut nammineerlutit immersuiffissamik immersuillutit aallartissaatit

Avaleraasartuunut ammassassuarnillu aalisarsinnaanermut akuersissut pillugu qinnuteqarniaruit qinnuteqarfissaq immersussavat.

"Maanna qinnuteqarit" sungaartup toorneratigut:

• Immersugassap qarasaasiakkut immersornissaa anisinnissaalu kissaatigigukku "Immersoruk anisillugulu" toorsinnaavat.

Qinnuteqaatinnut ukua ilanngutissavatit:

• Angallatip naalagaaffimmut attuumassuteqarneranik uppernarsaatip assilinera
• Angallatip uuttuutai pillugit allagartap assilinera
• Ingerlatseqatigiiffimmik piginnittut pillugit allagartaq atuuttoq

Ilitsersuut immersorsimasoq Aalisarnermut piniarnermullu Naalakkersuisoqarfimmut tunniutissavat.

Qinnuteqaat nassiukkukku Aalisarnermut Piniarnermullu Naalakkersuisoqarfimmit qinnuteqaatit nalunaarsorneqassaaq, tiguneqarsimaneranullu uppernarsaammik tunineqassaatit.
Tamatuma kinguneranik aalisarnermut akuersissut suliarineqalissaaq.

• Qinnuteqartitsineq naammassigaangat qinnuteqaatit Aalisarnermut piniarnermut Naalakkersuisoqarfimmit suliarineqartarput.
• Tunngavissat Naalakkersuisut ukiut tamaasa aalajangersortagaat naapertorlugit qinnuteqaatit suliarineqartarput.
• Sulianik sullissineq naammassippat pisassallu Naalakkersuisunit agguaanneqareerpata
  
  • pisassanik akuerineqartunut akuersissutit tunniunneqartarput.
  • Qinnuteqartunut pisassanik pissarsinngitsoortunut itigartitsissut tunngavilersugaq nassiunneqartarpoq.
• Ileqquusutut qinnuteqarnissamut piffissarititaasup sap.ak.-nik pingasunik qaangiutereernerani qinnuteqaatinnut akissummik tigusaqassaatit.
• Naalakkersuisut.gl aqqutigalugu pisassat agguaaneqarnerat tusagassiuutitigut nalunaarutigineqartarpoq.

Aalisarsinnaanermut akuersissummi massakkut pigisanni paasissutissanik allanngortoqarsimappat, tamatuma Aalisarnermut Piniarnermullu Naalakkersuisoqarfimmut paasissutissiissutiginissaanik pisussaaffeqarputit. Assersuutaasinnaapput ingerlatseqatigiiffiutit angallataatilluunniit pillugit allannguinerit.

Allannguutit tiguneqariarpata nutaamik akuersissusiunneqassaatit, tassanilu paasissutissat nutaat ilaatinneqassapput.

Inuussutissarsiutigalugu aalisartutut paasissutissat eqqortut tunngavigalugit aalisarnermik ingerlatannut akuersissummik atuuttumik peqarnissat illit akisussaaffigivat.

Avaleraarsartuunut ammassassuarnullu qinnuteqarfissamut killigitinneqartoq Naalakkersuisunit agguaanneqartarpoq.  
Naalakkersuisut qinnuteqarfissamut killigitinneqartoq aalajangereerpassuk, tamanna Naalakkersuisut.gl atorlugu tusagassiorfinnut nalunaarutigineqassaaq. Tamanna amerlanertigut upernaakkut pisarpoq

Oqartussat naliliinerat aallaaviatigut naammagittaalliutigisinnaanngilat.

qinnuteqaatinnut itigartitsissummik piguit tamanna tunngavilersorneqarsimassaaq.
Isumaqaruit aalajangiineq kukkusumik tunngaveqartoq imaluunniit paatsoortoqarsimasoq, taava naammagittaalliutit Aalisarnermut, Piniarnermullu Naalakkersuisoqarfimmut nassiutissavat, tassanilu suliaq ilinnut tunngasoq nalilersoqqinneqarsinnaavoq. Itigartitsissummik tigusaqaruit sukkanerpaamik Naalakkersuisoqarfimmut naammagittaalliuutit nassiutissavat.

Allakkatigut maalaaruteqassaatit, allallugulu sooq sunalu pillugu maalaaruteqarnerlutit. Eqqaamajuk naammagittaalliuutigerusutat pillugu aalajangiinerup assilinera ilanngutissagakku, taannami suliap ingerlanneqarneranut iluaqutaassammat.
Qinnuteqaatit suliarineqareerpat attavigineqarumaarputit.