Namminersorlutik Oqartussat suliffeqarfinni, pisortaqarfinnilu sulisut, innuttaasullu kaammattorpai angalassannginnerannik - Paasissutissat annertunerusut nun.gl-imi atuarsinnaavatit

Sunngiffimmi atuartitsineq

Sunngiffimmi atuartitsineq tassaavoq meeqqanik, inuusuttunik inersimasunillu sunngiffiup nalaani atuartitsineq.

Sunut atuartitsisoqarsinnaanera piffimmiit piffimmut assigiinngillat. Ilinniartitsisorineqartut apeqqutaapput, aamma suna pillugu inuit atuartitaarusunnersut apeqqutaavoq.

Najukkanni tusagassiutitigut, allagarsiivikkut imalunniit paasissutissiisarfikkut sunngiffimmi atuartitsissutit suut ingerlanneqartarnersut malinnaaffigisinnaavatit. Sumut qaqugulu nalunaarsinnaanitit tamakkunanittaaq takuneqarsinnaavoq.

Sunngiffimmi atuartitsineq kikkunnut tamanut atuuppoq. Atuartitsinermi peqataanissannut Kalaallit Nunaanni inuit allattorsimaffianni nalunaarsorsimasariaqanngilatit.
Sunngiffimmi atuartitsineq tallimanngorlugu agguagaavoq:
• Tamanut tunngasunik sunngiffimmi atuartitsineq tassaasoq atuartitsissutinik nalinginnaasunik, soorlu kalaallisut atuartitsinermik ingerlataqartoq, ikinnerpaamik peqataasut 8-ssapput
• Mernguernartunik atuartitsineq, soorlu erinarsoqatigiit, ikinnerpaamik peqataasut 12-iussapput
• Ilinniakkereqatigiinneq (studiekreds), ikinnerpaamik peqataasut 8-ssapput
• Oqalugiarnerit, ikinnerpaamik peqataasut 14-iussapput
• Assassorissanik ilinniartitsineq, ikinnerpaamik peqataasut 12-iussapput

Atuartitsissutinik ingerlataqarniaruit
Sunngiffimmi atuartitsinermi atuartitsissutinik pilersitsisoqarnissaanik immikkut kissaateqaruit, kommunerisanni sunngiffimmi atuartitsinermik akisussaasut attavigisinnaavatit. Atuartitsissutaasussamik neqeroortitsisoqarnissaanik ikiuussinnaassapput ilinniartitsisussarsiorlutillu.
Sunngiffimmi atuartitsinermi atuartitsinissamut kissaateqaruit, kommunerisanni sunngiffimmi atuartitsinermik akisussaasut attavigissavatit. Atuartitassanik ataatsimoortussanik pilersitsinissamut ikiorsinnaavaatsit. Atuartitsinissannut pilersaarusiortoqarsimanissaa piumasaqaataavoq. Atuartitsinerit ingerlalluarsinnaasoq pilersaaruteqarneq naapertorlugu qulakkeerneqassaaq.
Meeqqat inuusuttullu 20-it inorlugit ukiullit sunngiffimmi atuartitsinermi peqataanissaat akeqanngilaq.

Peqataanissamut nalunaarnermi akiliuteqartoqassaaq, tamatuma saniatigut inersimasut atuartitsinermi atortunut namminneq akiliissapput, soorlu:
• Atuakkanut
• Ammerinermi amermut
• Nerisassiorneq pillugu atuartitsinermi nerisassanut
• Qiperuinermi atortussanut
Sunngiffimmi atuartitsinermi peqataanissamut kissaateqaruit, peqataaniarlutit nalunaassaatit. Najukkanni tusagassiutitigut, allagarsiivikkut imalunniit paasissutissiisarfikkut sunngiffimmi atuartitsissutit suut ingerlanneqartarnersut malinnaaffigisinnaavatit. Sumut qaqugulu nalunaarsinnaanitit tamakkunanittaaq takuneqarsinnaavoq.

Pilersitsiniaraanni nalinginnaasumik atuartitani ataatsini peqataasut arfineq-pingasuussapput. Taamatulli malittarisassaqarnikkut immikkut akuersissuteqartoqarsinnaavoq. Illit kommunerisat taannaavoq aalajangiisussaq.
Peqataasinnaanngikkuit eqqaamallugu ilinniartitsisunnut nalunaarnissat.

Ilinniartitsisut takkussinnaanngippat, assersuutigalugu napparsimappat, nalunaarfigitissaatit. Atuartinneqartut peqataaffigisatit atorunnaarsinneqarpata, tassa naammassinissamut qaammataannanngortorlu, aningaasaatitit utertinneqassapput.
Sunngiffimmi atuartitsinermi atuartitsissutit ilaanni, soorlu motoorilerinermut tunngasuni, misilitsinneq periarfissaavoq.
Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.