Imminut sullississutinut iserniaruit NemID suli isissutissatut atussavat.

Illut sulliviit – Nalinginnaasumik paasissutissiineq

Kommunerisannuinnaq aalajangersimasunik paasissutissaqarpoq.

Illut sulliviit kommuninit pigineqartuupput, nunaqarfinni innuttaasunut atugassiissutigineqarsimasut. Illut amerlasuunik periarfissaqarput ulluinnarnilu pisunut nalinginnaasunut aamma annerusunut atorneqarsinnaallutik. Illut sulliviit nunaqarfinni amerlanerni pigineqarput.

Illuni sullivinni assersuutigalugu:

  • Atisanik errorsisinnaavutit akiliuteqarlutit, namminerisannik errorsiveqanngikkuit
  • Uffarsinnaavutit akiliuteqarlutit, angerlarsimaffinni uffarfeqanngikkuit

Illut sulliviit aamma atorneqarsinnaapput makkununnga
  • Kommunip allaffissorneranut
  • Ataatsimiinnernut aaqqissuussinernullu allanut
  • Inuussutissarsiutit siuarsarneranni sulianut aamma assassorluni sullivittut, assersuutigalugu ammerinermut
  • Katersuuffittut


Illut sulliviit amerlanersaat, inunnut avataaniit aggersunut unnuisarfittut aamma atorneqarsinnaapput.

Malugiuk
Illut sulliviit minnerpaamik ataatsimik sulisoqartarput, taanna illumik sullivimmik atorniaruit attaveqarfigisinnaavat.

Illut sulliviit ammasarfii nunaqarfimmiit nunaqarfimmut allanngorarsinnaapput.

Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.