MitID-mik atuinissamut ikiorneqarneq

MitID-mik pisaarnikuuit ikiorneqarnissannillu pisariaqartitsillutit? Taava uani MitID-mi qanoq ikiorneqarsinnaanerlutit, qanorlu MitID-mik sulialinnit ikiorneqarsinnaanerlutit (assersuutigalugu mobiileerseruit), aammalu MitID-taaruit qanoq iliussanerlutit kiisalu MitID-mi paasissutissaatitit qanoq suliarisinnaaneritit uani paasisaqarfigisinnaavat.

MitID-mi kinaassutsimut uppernarsaatit atorlugit isissaatit MitID-mut kinaassutsimut uppernarsaatit atorlugit isertoqarsinnaavoq. MitID tassaavoq pisortaqarfiit namminersortulluunniit imminut sullinnissamut aaqqiissutaannut illit inuttut kinaassutsinnut uppernarsaatissat isumannaatsoq.

MitID app-imut log-in-ernissamut ilitsersuusiortoqarnikuuvoq

Una toorlugu ”Oqarasuaat MitID app-imik ikkussivigisimasat atortillugu MitID imannak atussavat” aajuk

Una toorlugu ”MitID imannak atussavat - qarasaasiaq atortillugu MitID app-ili oqarasuaatinniilluni” aajuk

Atortuni assigiinngitsuni arlalinni MitID-qarnissat isumatsialaasinnaavoq, soorlu oqarasuaatinni angallattakkami tabletsimilu. Taamaasillutit MitID-mik sillimmateqartuassaatit, oqarasuaatillu MitID App-mik imalik katakkaluarukkuluunniit – imaluuniit oqarasuaammik angallattakkamik nutaamik pisaaraluaruiluunniit MitID atorlugu akuersisinnaassallutit.

”MitID-mik sillimmateqarneq pillugu uani paasisaqarnerugit”

”MitID app-i qanorilillutit assilisinnaanerlugu ugguuna atuaruk”

Ikiorneqarnissamik pisariaqartitsiguit kommunerisanni innuttaasunut sullissivik, nunaqarfinniluunniit allaffik saaffigisinnaavat.

Ilisarisimasat tatigisat aamma ikiortissarsiorfigisinnaavat.
Ilaqutaasinnaavoq imaluunniit ikinngutitsialak. MitID inuup namminiinnaq atorsinnaammagu eqqumaffigiuk.

Taamaattumik ukua inunnut allanut ingerlateqqusaanngilatit:

• Koderisatit
• MitID-mi kodinut takutitsissutit immaqaluunniit atuffassissut
• Atuisutut ID

Pisuni immikkut ittuni MitID pillugu ikiorsiivik Danmarkimiittoq attavigisariaqarsinnaavoq.

Oqarasuaatit angallakkagaq katassimagukku piaartumik MitID app-i, oqarasuaammut atasoq matutissavat. MitID.dk-mi imaluunniit MitID pillugu kiffartuussivik sianerfigalugu matutissavat.

 

MitID appi mobilinni peersimagukku imaluunniit mobilitaarsimaguit tabletitaarlutilluunniit, taava appi nutaaq atuutilersinniarlugu mobilinnut tabletinnulluunniit MitID appi aassavat. MitID appi nutaaq mobilinni tabletinniluunniit nutaamik atuutilersittariaqarpat.

MitID appeqaruit taava MitID.dk-mut iserlutit kodinut takutitsissummik atuffassissummilluunniit nutaamik inniminniissaatit.

MitID appeqanngikkuit taava innuttaasunut sullissivimmut imaluunniit nunaqarfigisanni allaffimmut saaffiginnissaatit.

Pisuni immikkuullarissuni MitID pillugu kiffartuussiviup Danmarkimiittup attavigisariaqarsinnaavat. Pingaartumik oqarasuaatit angallattagaq qatassimagukku, atortunullu allanut MitID aasimanngikkukku tamanna pissaaq. Taamaattumik MitID-mut sillimmateqarnissat pisariaqarpoq, taamaattumik MitID-lu atortunut arlalinnut ikkutissavat, soorlu oqarasuaatinnut tabletsinnullu Sillimmasernissaq paasisaqarfigineruniarukku”MitID-mik sillimmateqarneq” atuaruk.

MitID pillugu kiffartuussiviup attaviginissaanut patsisaasinnaasut:

• Oqarasuaatit angallattagaq katassimagukku taavalu MitID app-i MitID.dk aqqutigalugu matutissinnaanngikkukku
• MitID-erisavit atornerlunneqarneranik pasitsakkuit taavalu MitID app-i MitID.dk aqqutigalugu matutissinnaanngikkukku
• MitID pillugu pinasuartumik ikiorneqartariaqaruit
  
  

MitID pillugu kiffartuussivik Danmarkimiittoq attavigiuk

Oqarasuaammut:
+45 33980010

E-mail:
https://support-mitid.digst.dk/

Ammasarfii
- Ataasinnornermit tallimanngornermut nal.05.00-17.00 (Kalaallit Nunaanni nalunaaqutaq malillugu)
- Arfininngorneq, sapaat nalliuttunilu nal.07.00-13.00 (Kalaallit Nunaanni nalunaaqutaq malillugu)

Taamaanngippat najugarisanni innuttaasunik sullissivik imaluunniit nunaqarfigisanni allaffik saaffigisinnaavat

Eqqumaffigiuk
MitID pillugu kiffartuussivik Danmarkimiittoq danskisut saaffissaavoq.

MitID aamma NemLog-in pillugit inatsisip Kalaallit Nunaannut atuutilernissaanut peqqussut